سائق التاكسي الذي نقلني من البصرة الى الناصرية عمره 24 عاما في الطريق قال لي انه كان يحب بنت خالته وهي حبه اﻻول
واﻻخير ....خالته لم تزوجه بنتها وزوجتها الى شخص غريب لكنهما الى اﻻن يحبان بعظهما ويلتقيان سرا .
ونحن في الطريق رن هاتفه .. وفهمت ان على الطرف اﻻخر فتاة ...يبدو انها سألته ...ليش ماتصلت امس ...قال لها ..انت مارمشتي ...احنه مو متفقين انت ترمشين وانا اتصل ....قالت له ..امس كان المفروض بيك تتصل حتى اذا مارمشتلك ...انفعل السائق وقال لها ...بنت النعال تريدين تعبرين اكﻻواتج عليه ...انه من زمان شاك انت تحبين غيري وملتهيه وياه ...بس عمي اذا شايفه واحد غيري الله ومحمد وعلي وياج ....قالت له انت اشبيك عصبي ليش ماكدر اتفاهم وياك ....قال لها شنو تتفاهمين والله اذا طلع عندك صديق ثاني (اضرطك كتل)....
انتهت المكالمة ...قلت له .. ها اشو تكول بنت خالتي هي الحب اﻻول واﻻخير ...هاي امنين ؟؟؟؟
قال ﻻ هاي هيج ....
قلت له بعدين انت اشدعوة هالكد رومانسي ... ضحك وقال استاذ انت ماتعرف النسوان اذا ماتراويها عين الحمره تركبك اركوب..احنه متفقين ترمشلي وانا اتصل بها ...اليوم تكلي ليش البارحه ماتصلت ...هو شنو صاير البارحه استاذ ؟؟
قلت له ..اشمدريني شنو صاير متشوفني هسه وصلت من هولندا.
قال ...ﻻ هي تكول امس الدنيا مقلوبه في كل العالم وكل الشباب ارسلوا الى حبيباتهم رسائل وورود ..
قلت له ﻻن امس كان عيد الحب .....ضحك وقال هاي غير فايخة هو انه صاير عيد الحب .
امس اتصلت به ليرجعني الى المطار عندما وصل كان نفسه ضيق ويبدوا انها عﻻمات ربو ...قلت له لماذا تتنفس بصعوبه؟؟
قال ...والله مادري ...قلت له ليش متروح للدكتور ؟؟؟ قال ..يمعود شنو الدكتور شيسويلي ؟؟؟؟
قلت له ..يعطيك دواء
قال يمعود العمر خلصان عليمن هالدكتور .
قلت له عمرك 24سنه وتقول العمر خلصان يمعود بعدك صغير والعمر كدامك .
قال انه زين ...اخوي اصغر مني ويده مكسوره وﻻيذهب الى الطبيب ....يكول ماكو داعي اروح للطبيب اجبر ايدي... ايد وحدة كافيه
قلت له ....انتم خوش عائلة لو كل الناس مثلكم .. الدكاتره يموتون من الجوع .